©️ അറിവിന്റെ ലോകം
*_👇To join this group👇_*
●▬▬▬▬▬▬▬▬▬▬▬▬▬●
കുറയ്ക്കുന്ന ഭക്ഷണക്രമത്തിനുള്ള (Lower Cholesterol Diet) ഏറ്റവും നല്ല മാര്‍ഗ്ഗം, എല്‍ഡിഎല്‍ കുറയ്ക്കുന്ന ഭക്ഷണങ്ങള്‍ ഉള്‍പ്പെടുത്തുക എന്നതാണ്. ധമനികളില്‍ തടസ്സം സൃഷ്ടിക്കുന്ന രക്തപ്രവാഹത്തിന് കാരണമാകുന്ന അപകടകരമായ കൊളസ്‌ട്രോള്‍ വഹിക്കുന്ന കണികയാണ് എല്‍ഡിഎല്‍.
പലതരത്തിലുള്ള ഭക്ഷണങ്ങള്‍ ഉള്‍പ്പെടുത്തിയുള്ള ഭക്ഷണക്രമങ്ങള്‍ കൊളസ്‌ട്രോള്‍ കുറയ്ക്കും. ചില ഭക്ഷണങ്ങളില്‍ എളുപ്പം ദഹിക്കുന്ന നാരുകള്‍ അടങ്ങിയിട്ടുണ്ട്. ഇത് കൊളസ്‌ട്രോളുമായി ബന്ധിപ്പിച്ച് ദഹനനാളത്തിലേക്ക് അയ്ക്കുകയും ചെയ്യുന്നതിനാല്‍ ഈ കൊളസ്‌ട്രോളുകള്‍ ശരീരത്തില്‍ വ്യാപിക്കുന്നതിന് മുമ്പ് തന്നെ പുറത്തേക്ക് തള്ളുന്നു. ചില ഭക്ഷണങ്ങളില്‍ നിന്ന് നിങ്ങള്‍ക്ക് പോളിഅണ്‍സാച്ചുറേറ്റഡ് കൊഴുപ്പുകള്‍ ലഭിക്കും, ഇത് നേരിട്ട് എല്‍ഡിഎല്‍ കുറയ്ക്കുന്നു.
കൂടാതെ, അവയില്‍ ചിലതില്‍ സ്റ്റാനോളുകളും പ്ലാന്റ് സ്റ്റിറോളുകളും അടങ്ങിയിട്ടുണ്ട്. ഇത് എല്‍ഡിഎല്‍ വര്‍ദ്ധിപ്പിക്കുന്ന കൊഴുപ്പുകളെ ആഗിരണം ചെയ്യുന്നതില്‍ നിന്ന് ശരീരത്തെ തടയുന്നു. കൊളസ്‌ട്രോള്‍ കുറയ്ക്കുന്ന ഭക്ഷണങ്ങള്‍ കഴിക്കുന്നതും എല്‍ഡിഎല്‍ വഷളാക്കുന്ന ഭക്ഷണങ്ങള്‍ ഒഴിവാക്കുന്നതും സംബന്ധിച്ച കാര്യങ്ങള്‍ വരുമ്പോള്‍ നല്ലൊരു ഭക്ഷണക്രമത്തിന് പലരിലും ആശയക്കുഴപ്പമുണ്ടാക്കുന്നതാണ്. എന്നിരുന്നാലും, ചില ആരോഗ്യകരമായ ഡയറ്റ് പ്ലാനുകള്‍ കൊളസ്‌ട്രോള്‍ കുറയ്ക്കുന്നതിന് സഹായകമാകും. ചില ഡയറ്റുകള്‍ അറിയാം:
ഡാഷ് ഡയറ്റ്
ഹൈപ്പര്‍ടെന്‍ഷന്‍ ഒഴിവാക്കുന്നിനുള്ള ഭക്ഷണക്രമമാണ് ഡാഷ് ഡയറ്റ് (DASH- Dietary Approached to Stop Hypertension). ഹൃദയാരോഗ്യം മെച്ചപ്പെടുത്താന്‍ ആഗ്രഹിക്കുന്ന ഏതൊരാള്‍ക്കും ഈ ഭക്ഷണക്രമം ശീലിക്കാവുന്നതാണ്. ധാന്യങ്ങള്‍, പഴങ്ങള്‍, പച്ചക്കറികള്‍ തുടങ്ങിയ നാരുകളും മറ്റ് പോഷകങ്ങളും അടങ്ങിയ ഭക്ഷണങ്ങള്‍ ഈ ഡയറ്റില്‍ ഉള്‍പ്പെടുന്നു. കുറഞ്ഞ പ്രോട്ടീനുകള്‍ മത്സ്യം, പയര്‍വര്‍ഗ്ഗങ്ങള്‍, കൊഴുപ്പ് കുറഞ്ഞ പാല്‍ ഉല്‍പന്നങ്ങള്‍ എന്നിവയുടെ രൂപത്തിലും ലഭ്യമാണ്. റെഡ് മീറ്റ്, പഞ്ചസാര ചേര്‍ത്ത മധുരപലഹാരങ്ങള്‍, സോഡിയം എന്നിവയെല്ലാം ഈ ഭക്ഷണശീലത്തില്‍ ഗണ്യമായി കുറയ്ക്കും.
പ്രമേഹം നിയന്ത്രിക്കാന്‍ അരി, ഗോതമ്പ് ഭക്ഷണങ്ങള്‍ കുറയ്ക്കുക; പകരം കഴിക്കേണ്ടത്..
മെഡിറ്ററേനിയന്‍ ഡയറ്റ്
കൊളസ്‌ട്രോള്‍ കുറയ്ക്കാന്‍ നിങ്ങള്‍ ലക്ഷ്യമിടുന്നുണ്ടെങ്കില്‍, മെഡിറ്ററേനിയന്‍ ഭക്ഷണക്രമം വളരെ ഫലപ്രദമാണ്. ബീന്‍സ്, പരിപ്പ്, പയര്‍, ധാന്യങ്ങള്‍, മത്സ്യം, പഴങ്ങള്‍, പച്ചക്കറികള്‍ എന്നിവ പോലുള്ള ഭക്ഷണത്തിലൂടെ പ്രോട്ടീനുകള്‍ക്ക് ഇത് ശക്തമായ ഊന്നല്‍ നല്‍കുന്നു. ഈ ഭക്ഷണത്തില്‍ സ്വാഭാവികമായും നാരുകള്‍ അടങ്ങിയിട്ടുണ്ട്, ഇത് കൊളസ്‌ട്രോള്‍ കുറയ്ക്കും. ഭക്ഷണത്തില്‍ ശുദ്ധീകരിച്ച ധാന്യങ്ങള്‍, പഞ്ചസാര, പൂരിത കൊഴുപ്പ് എന്നിവയും കുറവാണ്, ഇവയെല്ലാം കൊളസ്‌ട്രോള്‍ വര്‍ദ്ധിപ്പിക്കും.
വെജിറ്റേറിയന്‍ ഡയറ്റ്
ഇന്ത്യയിലും ദക്ഷിണേഷ്യയുടെ മറ്റ് ഭാഗങ്ങളിലും ഏറ്റവും സാധാരണയായിട്ടുള്ള ഒരു ഭക്ഷണക്രമമാണ് സസ്യാഹാര ശീലം. ഈ ഭക്ഷണക്രമത്തില്‍ സസ്യാധിഷ്ഠിത ഭക്ഷണങ്ങളും പാലുല്‍പ്പന്നങ്ങളും കഴിക്കുന്നതില്‍ ശ്രദ്ധ കേന്ദ്രീകരിക്കുന്നു. എന്നിരുന്നാലും, കൊഴുപ്പ് നിറഞ്ഞതും അനാരോഗ്യകരവും അള്‍ട്രാ പ്രോസസ് ചെയ്തതുമായ പാലുല്‍പ്പന്നങ്ങള്‍ ഈ ഭക്ഷണശീലങ്ങള്‍ നിയന്ത്രിക്കുകയോ ഒഴിവാക്കുകയോ ചെയ്യുന്നു. എല്‍ഡിഎല്‍ കുറയ്ക്കാനുള്ള ഭക്ഷണങ്ങള്‍ ഒഴിവാക്കിയും വെജിറ്റേറിയന്‍ ഡയറ്റ് പിന്തുടരാവുന്നതാണ്.
വീഗന്‍ ഡയറ്റ്
വീഗന്‍ ഡയറ്റ് പ രാജ്യങ്ങളിലും ഇപ്പോള്‍ വളരെയധികം പ്രചാരം നേടിയിട്ടുണ്ട്. വീഗന്‍ ഡയറ്റില്‍ സസ്യാധിഷ്ഠിത ഭക്ഷണങ്ങള്‍ മാത്രം കഴിക്കുന്നത് അടങ്ങിയിരിക്കുന്നു. അതായത് ഇതില്‍ പാലും മുട്ടയും ഉള്‍പ്പടെയുള്ളവ ഒഴിവാക്കുന്നു. എല്‍ഡിഎല്‍ അളവ് മോശമാക്കുന്ന ഘടകങ്ങളുള്ള വിവിധ അള്‍ട്രാ-പ്രോസസ്ഡ് ഡയറി ഉത്പന്നങ്ങളും, മാംസം ഭക്ഷണങ്ങള്‍ ഒഴിവാക്കാന്‍ ഈ ഭക്ഷണ ശീലം സഹായിക്കുന്നു.
ഫ്‌ളെക്‌സിറ്റേറിയന്‍ ഡയറ്റ്
ഫ്‌ളെക്‌സിറ്റേറിയന്‍ ഡയറ്റ് എന്നത് ഒരു ഫ്‌ളെക്‌സിബിള്‍ ഡയറ്റാണ്. ഈ ഭക്ഷണക്രമം പ്രാഥമികമായി സസ്യാഹാരം കഴിക്കുന്നതില്‍ ശ്രദ്ധ കേന്ദ്രീകരിക്കുന്നു. എന്നിരുന്നാലും, ചില മാംസ വിഭവങ്ങളോ മാംസത്തിന്റെ പ്രത്യേക ഭാഗങ്ങളോ ഭക്ഷണത്തില്‍ ഉള്‍പ്പെടുത്താം. എല്‍ഡിഎല്‍ കുറയ്ക്കുന്നതും എച്ച്ഡിഎല്‍ വര്‍ദ്ധിപ്പിക്കുന്നതുമായ ഈ ഭക്ഷണക്രമവും ഒട്ടേറേപേര്‍ പിന്തുടരുന്ന ഒന്നാണ്. പ്രോട്ടീന്‍ സമ്പുഷ്ടവും മറ്റ് പോഷക സമ്പുഷ്ടമായ ഭക്ഷണങ്ങള്‍ ഇതില്‍ ഉള്‍പ്പെടുന്നു.
*#stay@Home..🏡*
*#Be_Safe😷*
*#Fight_Against_Corona💪*
*💱♻️Share ചെയ്യൂ മറ്റുള്ളവർക്ക് ഉപകാരമാവട്ടെ♻️💱*
*"അറിവിന്റെ ലോകം" ത്തിന്റെ ഭാഗമാകുവാനായി ലിങ്കുകളിൽ click ചെയ്ത് Join ആവുക🙏*
*1.👇🏻@WhatsApp👇🏻*
*Group 28 👇*
*Group 21 👇*
*2.👇@Telegram👇*
*_3.👇ഗവണ്മെന്റ്, പ്രൈവറ്റ് തൊഴിൽ അവസരങ്ങൾ ആദ്യം അറിയുവാൻ വെബ്സൈറ്റ് സന്ദർശിക്കുക👇_*
*www.kit4u.in*
_All in one KIT_
_*Admin panel✍*_
[ _An Informative Group Of network_ ...]
No comments:
Post a Comment